Almaty oblysynyń úzdik dárigerine 7 mln teńge tabystaldy
«Statsıonardyń úzdik dárigeri» atanǵan Almaty aımaqtyq balalar klınıkalyq aýrýhanasynyń dárigeri Ramıl Qarasaev oblys ákiminiń qolynan 7 mln teńgeniń sertıfıkatyn aldy.
Іle ortalyq aýdandyq aýrýhanasynyń ókili Juldyz Kýlmanova «Úzdik áleýmettik qyzmetker», KazTsık aýylynyń mekemesi «Úzdik dárigerlik ambýlatorııa» atalymdary boıynsha jeńimpaz dep tanylyp, aqshalaı sertıfıkattarǵa ıe boldy.
Sondaı-aq, medıtsına qyzmetkerlerine Densaýlyq saqtaý mınıstrliginiń «Eńbek ardageri» medali men «Densaýlyq saqtaý isiniń úzdigi» tósbelgileri berildi. Jemisti eńbegi úshin oblys ákiminiń Qurmet gramotalary men Alǵys hattary tapsyryldy.
Almaty oblysynyń ákimi Marat Sultanǵazıevtiń aıtýynsha, óńirdiń densaýlyq saqtaý salasyna bıyl 4,4 mlrd teńgeden astam qarjy bólingen. Mekemelerdiń jabdyqtalýy – 91%. Bıyl qosymsha 106 arnaıy medıtsınalyq qural satyp alynbaq.
«Prezıdent tapsyrmasyna sáıkes aýrýdyń aldyn alýǵa, medıtsınalyq qyzmettiń qoljetimdi ári sapaly bolýyn qamtamasyz etýge barlyq jaǵdaı jasalyp jatyr. Ǵımarattar jańartylyp, materıaldyq-tehnıkalyq baza nyǵaıtyldy. Jyldan-jylǵa osy salaǵa bólinetin qarjy kólemi de artyp keledi. Densaýlyq saqtaý uıymdaryn qajetti mamandarmen qamtýǵa da zor kóńil bólinedi. Oblystyń medıtsınalyq mekemelerine sońǵy úsh jylda 354 dáriger jumysqa qabyldandy. Qajetti qural-jabdyqtarmen, dári-dármekpen tolyq kólemde qamtý men dárigerler biliktiliginiń arqasynda indettiń beti qaıtyp, barlyq sala qalypty ómirge oraldy. Antyna adaldyq tanytyp, kún saıyn erlikke teń is atqaryp júrgen sizderdiń árqaısylaryńyz qurmetke laıyqsyzdar», - dedi Marat Sultanǵazıev Qonaev qalasynda ótken medıtsına qyzmetkerleri kúnine arnalǵan saltanatty jıynda.
