Almaty oblysynyń Uıǵyr aýdanynda mektep dırektory asylyp qaldy
TALDYQORǴAN. QazAqparat - Almaty oblysynyń Uıǵyr aýdanynda mektep dırektory asylyp, kóz jumdy, dep habarlaıdy QazAqparat tilshisi.
Qaıǵyly jaǵdaıdy Almaty oblystyq bilim basqarmasynyń baspasóz qyzmeti rastady. 1975 jylǵy er adam óz úıinde asylyp qalǵan.
«Azızjan Týrsýnovıch Daraev 2011 jyldan bastap osy ýaqytqa deıin Úlken Aqsý aýylyndaǵy Ǵ.Sadvakasov atyndaǵy orta mekteptiń dırektory bolyp jumys istegen. Úılengen, otbasy bar»,- delingen vedomstvonyń habarlamasynda.
Marqumnyń artynda úsh balasy, jubaıy qaldy.
Eki balasy stýdent, bir balasy mektepte oqıdy.
«Búgingi kúni Uıǵyr aýdandyq polıtsııa bóliminde oryn alǵan jaǵdaı boıynsha qylmystyq is qozǵalyp, tergeý amaldary júrgizilip jatyr»,- dep tolyqtyrdy atalǵan vedomstvonyń baspasóz qyzmetinen.
