Almaty oblysynyń TJD qyzmetkerleri janyp jatqan úıden er adamdy qutqardy
TALDYQORǴAN. QazAqparat - Almaty oblysynyń Tótenshe jaǵdaılar salasynyń qyzmetkerleri janyp jatqan úıden er adamdy qutqardy, - dep habarlaıdy QazAqparat tilshisi.
9- qarasha kúni saǵat 23.54-te Almaty oblysy TJD kezekshi baılanys pýltine Taldyqorǵan qalasynda turǵyn úıdiń shatyry janǵany týraly habarlama kelip tústi. Shaqyrý ornyna dereý órtke qarsy bólimsheqyzmetkerleri shyqty. Shaqyrtý ornyna kelgen boıda eki páterli turǵyn úıdiń janǵany anyqtaldy.
Órt sóndirý barysynda TJD qyzmetkerleri páterlerdiń birinen úı ıesi, 1957 jyly týǵan er adam qutqardy. Sondaı-aq órtti sóndirý barysynda janyp jatqan úıden 2 gaz ballony shyǵaryldy (syıymdylyǵy 27 lıtr).
Órt saǵat 00:20-da oqshaýlanyp, saǵat 00:24-te sóndirildi. Qyzyl jalyn 150 sharshy metr aýmaqty sharpydy. Órtti sóndirýge Almaty oblysy TJD-nan 10 adam jáne 3 birlik tehnıka, qalalyq polıtsııa basqarmasynan 3 qyzmetker jáne 1 birlik tehnıka, 1 jedel medıtsınalyq járdem brıgadasy jumyldyryldy.
Almaty oblysy TJD ókilderi turǵyn úılerdegi órt oqıǵalarynyń aldyn alý úshin órt qaýipsizdigi erejelerin saqtaýǵa shaqyrady.
