Almaty oblysynyń týrızm salasy tsıfrlandyrylýda
Semınar baǵdarlamasy týrıstik operatorlardyń, qonaq úı ıeleriniń, tamaqtaný salasy ókilderi, ulttyq parkter men mýzeılerdiń mamandary, jol boıyndaǵy qyzmet kórsetý oryndary men qolóner sheberleriniń Google, Yandex, Tripadvisor, Booking sııaqty halyqaralyq platformalarda tsıfrlik saýattylyqty arttyrýdy kózdeıdi.
Mamandardyń aıtýynsha búgingi tańda álemdegi týrısterdiń 39 paıyzy qolyndaǵy smartfony arqyly saıahattaıdy. Atap aıtqanda belgili bir platformada ózine qajet barlyq aqparatty alyp, ushaqqa bılet alyp, qonaq úıde oryn alyp, baratyn jeri týraly tolyq maǵlumat ala alady. Almaty oblystyq týrızm basqarmasy jetisýlyq týrıstik nysandardyń sheteldik týrısterge qoljetimdi etýdi kózdeıdi. Sondyqtan týrızmdi tsıfrlandyrý birinshi kezekte. Semınar aldaǵy ýaqytta 7 lokatsııaǵa bólinip, taqyrypqa sáıkes ár jerde ótedi.
Aıta ketý kerek jyl saıyn týrızm salasy óńirde qarqyndy damyp keledi. Bıyl jyl sońyna deıin jer jannaty Jetisýda demalýshylar sany 3 mln adamǵa jetedi dep kútilýde.
