Almaty oblysynyń turǵynyn shólmek synyǵymen jaraqattap ketti
TALDYQORǴAN. QazAqparat - Almaty oblysynyń turǵynyn shólmek synyǵymen jaraqattap ketti. Qazir kúdikti retinde 20 jastaǵy Jambyl oblysynyń azamaty ustaldy. Oqıǵa Panfılov aýdanynyń Darbazaqum aýylynda bolǵan, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, eki azamat eregesip qalǵan. Belgili bolǵandaı Panfılov aýdanynyń turǵyny, jábirlenýshiniń ishimdik ishkeni anyqtaldy. Ózara sózge kelispegen azamattardyń arasynda jaǵdaı nasyrǵa shaýyp, kúdikti jábirlenýshiniń 6 jerin shólmek moınymen jaralaǵan.
«Dárigerler jaralanǵan azamattyń dene jaraqaty qandaı deńgeıde ekenin anyqtaıdy. Qazir atalǵan fakti boıynsha QR QK 293 baby ıaǵnı, «Buzaqylyq» deregi boıynsha qylmystyq is qozǵaldy. Kúdikti azamatqa bultartpaý sharasy qoldanyldy», deıdi oblystyń polıtseıleri.
Kúdikti azamattyń jaldamaly jumysshy ekeni anyqtaldy. Ol «Batys Eýropa - Batys Qytaı» avtojolynyń qurylysynda eńbek etip júrgen. Ol ózge de jumysshylarmen birge Darbazaqum aýylynda páter jaldap turyp jatqan.
Oqıǵa da dál osy jerde bolǵan.
