Almaty oblysynyń turǵyny jedel járdem qyzmetkerlerine shabýyl jasady
ALMATY. QazAqparat - Almaty oblysynda jedel járdem qyzmetkerlerine shabýyl jasaldy. Bul týraly Almaty oblystyq densaýlyq saqtaý basqarmasy málim etti, dep habarlaıdy QazAqparat tilshisi.
Oqıǵa 15 naýryz kúni Eńbekshiqazaq aýdanynda bolǵan.
«Saǵat 16:17-de 23-brıgadanyń 22-qosalqy stantsııasynyń feldsheri S.A.Elekenov Esik qalasyna qarasty Saıajaıǵa shaqyrtý boıynsha shyqqan. Aýa raıynyń qolaısyzdyǵyna baılanysty komanda shaqyrylǵan jerge 16:32-de jetken. Jedel járdem brıgadasy jetkenshe naýqas qaıtys bolyp ketken. Feldsher Elekenov pen júrgizýshi Moldahmetovtiń aıtýynsha, jedel járdem kelgende olardy er adam agressıvti jaǵdaıda qarsy alǵan. Naýqasty teksergen feldsher naýqastyń bıologııalyq ólimi týraly málimdegen. Ákesiniń qaıtys bolǵanyn estigen er adam pyshaq alyp, jedel járdem qyzmetkerlerine qaraı júgirgen»,- dep habarlady basqarmadan.
Marqumnyń týystary máıitti kólikke kúshtep salǵan. Eńbekshiqazaq aýdandyq kópsalaly aýrýhanasyna kelgen kezde marqumnyń uly qyzmetkerlerdi balaǵattap, jedel járdem kóliginiń júrgizýshisi Moldahmetovtiń betinen uryp jibergen. Ol jerge qulap, basy asfaltqa soǵylǵan.
«Taıaq jegen júrgizýshige oqıǵa ornynda medıtsınalyq kómek kórsetilip, aýrýhanaǵa jatqyzyldy. Atalǵan jaǵdaımen polıtsııa aınalysyp jatyr»,- dep atap ótti Almaty oblystyq densaýlyq saqtaý basqarmasyndaǵylar.
