Almaty oblysynyń turǵyny zańsyz oıyn uıymdastyrǵany anyqtaldy

NUR-SULTAN. QazAqparat - Qarjylyq monıtorıng agenttigi Almaty oblysy boıynsha departamentiniń qyzmetkerleri tıisti ruqsat qujattarynsyz birneshe oıyn mekemelerinde «ústel-rýletkalardy» zańsyz ornatý faktilerin anyqtady, dep habarlaıdy vedomstvoǵa silteme jasap.

Oıynǵa arnalǵan zaldar Almaty oblysynyń aýmaǵynda ornalasqan, tek oıyn avtomattarynyń qyzmetin júzege asyrýǵa ruqsat berilgen.

Alaıda, mekeme uıymdastyrýshylary kiris alý maqsatynda krýpeniń qatysýymen jumys isteıtin «rýletkalardy» paıdalanǵan, bul «Oıyn bıznesi týraly» Zańdy buzý bolyp tabylady, óıtkeni oıyn ústelderine ókilderdiń qatysýyna tek kazıno úshin ruqsat etiledi.

Qazirgi tańda, atalǵan fakt boıynsha tergeý amaldary júrgizilýde.

Qylmystyq-protsesstik kodekstiń 201-babyna sáıkes ózge málimetter jarııa etilmeıdi.

Vıdeodan alynǵan kadr