Almaty oblysynyń turǵyny týysyn óltirdi degen kúdikpen ustaldy
TALDYQORǴAN.QazAqparat - Almaty oblysyndaǵy Panfılov aýdanynyń turǵyny týysyn óltirdi degen kúdikpen ustaldy. Qazir 27 jastaǵy jigit qamaýǵa alyndy, dep habarlaıdy QazAqparat tilshisi.
Oqıǵa 10-shy jeltoqsan kúni Jarkent qalasynda bolǵan. 27 jastaǵy jigit 37 jastaǵy týysymen birge ishimdik iship, arty tóbeleske ulasqan. Sol sátte Jarkent qalasynyń turǵyny týysyna pyshaq tyǵyp alǵan. Jábirlenýshi aýrýhanaǵa jetkizilgen. Biraq, kóp uzamaı esin jımastan kóz jumdy.
«Aýrýhanaǵa pyshaq jaraqatyn alǵan adamnyń túskendigi jóninde aqparat Panfılov aýdandyq ІІB-ne habarlanǵan. Tártip saqshylary, jábirlenýshimen tildese almady, sebebi 37 jastaǵy er adam polıtseıler kelgenshe kóz jumǵan. Kúdiktiniń ústinen QR QK 99 baby boıynsha is qozǵaldy», dep málim etti oblystyq ІІD baspasóz qyzmeti.
Qazir aıǵaq zat retinde as úı pyshaǵy tirkeýge alyndy. Tergeý jalǵasýda.
