Almaty oblysynyń turǵyny sheteldik 22 azamatty aldaǵan
TALDYQORǴAN. QazAqparat - Almaty oblysynda ózge memleket azamattaryn aldady degen kúdikpen 44 jastaǵy áıel ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, osy jyldyń 12-14 maýsymy aralyǵynda sheteldik 22 azamat polıtsııaǵa aryz jazǵan.
«Eńbekshiqazaq aýdandyq polıtsııasyna shaǵymdanǵandardyń sózinshe, olarǵa belgisiz áıel eńbek kelisimshartyn jasaýǵa kómektesemin dep ýáde bergen. Árqaısysynan 3-5 myń teńgeden aqsha alǵan. Jedel-izdestirý sharasy barysynda Báıdibek bı aýylynyń 44 jastaǵy turǵyny ustaldy. Áıel óz kinásin moıyndady», - delingen atalǵan vedomstvonyń baspasóz qyzmeti taratqan habarlamada.
Qazir osy faktige sáıkes QR QK-niń 187-baby 2-bóligi boıynsha sotqa deıingi tergeý júrip jatyr.
