Almaty oblysynyń turǵyny shegeler jutyp, ekinshi ret aýrýhanaǵa tústi

QONAEV. QazAqparat – Almaty oblysynda 10 santımetrlik shegelerdi ekinshi ret jutyp, aýrýhanaǵa qaıta túsken turǵynnyń ómirin saqtap qalý múmkin boldy. Bul jaıynda óńirlik Densaýlyq saqtaý basqarmasynyń Instagram-paraqshasynda jarııalandy, dep habarlaıdy QazAqparat tilshisi.

Shızofrenııaǵa shaldyqqan turǵyn Almaty oblysyna qarasty Qarasaı aýdanaralyq kópbeıindi aýrýhanasyna alǵash ret 2022 jyldyń 12 qyrkúıeginde júgingen. Ol úsh táýlik buryn birneshe shege jutyp qoıǵanyn, ony ashýǵa býlyǵyp, ómirden qosh aıtysý úshin jasaǵanyn aıtqan.

«Qarasaı aýdanaralyq kópbeıindi aýrýhanasynyń hırýrg-dárigerleri júıke aýrýyna shaldyqqan 39 jastaǵy azamattyń ash isheginen 10 santımetrlik 14 sheke alyp shyqty», - delingen taratylǵan aqparatta.

Aýrýhananyń hırýrgııa bólimshesi meńgerýshisi, joǵary sanattaǵy hırýrg Marat Ábjanovtyń málimetinshe, mundaı jaǵdaıdy dıagnostıkalaý rentgenniń kómegimen júrgiziledi. Emdeý barysynda kútý ádisin de qoldanýǵa bolady. Alaıda, bul joly shuǵyl túrde ota jasaýǵa týra kelgen.

Sol joly emhanadan qulan-taza aıyǵyp shyqqan azamat 2023 jyldyń 1 aqpanynda dál sol aýrýhanaǵa qaıta júgingen. Aıtýynsha, tórt kún buryn 10 santımetrlik 5 shege jutyp qoıǵan. Patsıentke shuǵyl túrde ota jasaldy.

Foto: instagram.com/almoblzdrav