Almaty oblysynyń turǵyny «salafıtter» soqqyǵa jyqty dep shaǵymdandy
TALDYQORǴAN.QazAqparat - Almaty oblysynyń Qarasaı aýdandyq polıtsııasyna 31 jastaǵy Baýyrjan Haırýllın esimdi azamat aryz túsirdi. Shaǵymdanýshynyń sózinshe, dıstrýktıvti dinı aǵym ustanatyn eki adam ony uryp ketken, dep habarlaıdy QazAqparat tilshisi.
Sol kúni, ıaǵnı 23 mamyrda tártip saqshylary Isaev Asen esimdi azamatty qolǵa túsirip, odan túsinikteme aldy. Kúdiktiniń aıtýynsha Haırýllın B. onyń jylqysyn urlap ketken. Ashýlanǵan Isaev ony syrtqa shyǵaryp, óltirip, kómip ketýge oqtalǵan. Biraq oǵan dáti barmaǵan. Tergeý barysynda kúdiktiniń bes ýaqyt namaz oqıtyny jáne dıstrýktıvti baǵyttaǵy «salafızm» aǵymynyń ustanýshysy ekeni anyqtaldy.
Isaevtyń aıtýynsha ol Shamalǵan stantsııasyndaǵy Turar meshitine baryp turady. Kóp eshkimmen aralaspaıdy. Qarasaı aýdanynda dinı qarym-qatynasta eshkimi joq.
Qazirgi tańda QR QK 107-baby ıaǵnı, densaýlyqqa qasaqana aýyrlyǵy ortasha zııan keltirý boıynsha tergeý amaldary jalǵasýda. Ekinshi kúdiktini izdeý jumystary júrgizilip jatyr.
Aıta ketý kerek, shaǵymdanýshy Haırýllın B. buryn urlyq úshin sottalǵan.
