Almaty oblysynyń turǵyny polıtseıge qol jumsaǵan
TALDYQORǴAN. QazAqparat - Almaty oblysynda polıtseıge qarsylyq kórsetip, qyzmettik kóliginiń terezesin syndyryp tastaǵan turǵynnyń ústinen qylmystyq is qozǵaldy, dep habarlaıdy QazAqparat tilshisi.
Almaty oblystyq Polıtsııa departamentindegi baspasóz qyzmetiniń málimetinshe, oqıǵa Kóksý aýdanyndaǵy Balpyq bı aýylynda bolǵan. Bul jerde tártip saqshylary qoǵamdyq orynǵa ishimdik iship kelgen jergilikti turǵyndy ustaǵan. Arnaıy tekseristen keıin, tártip buzýshyny Taldyqorǵanǵa jetkizgen. Biraq jol boıynda Kóksý aýdanynyń 46 jastaǵy turǵyny polıtseıge qarsylyq kórsetip, qyzmettik kóliginiń terezesin shaǵyp tastaǵan.
«Qazir osy faktige oraı sotqa deıingi tergeý Qylmystyq kodekstiń eki baby boıynsha júrgizilýde. ıAǵnı, QR QK 380-baby (Bılik ókiline qatysty kúsh qoldaný) jáne QR QK 378 babyna (Bılik ókilin qorlaý) sáıkes is qozǵaldy. Qazir kúdikti arnaıy qolhatpen jiberildi. Jaqyn kúnderi is sotqa joldanady», - dedi Almaty oblystyq Polıtsııa departamentiniń baspasóz qyzmetinen.
Belgili bolǵandaı, kúdiktiniń qarsylyǵy saldarynan bir poltsııa qyzmetkeri zardap shegip, medıtsınalyq tekserýden keıin qyzmetine qaıta kirisken.
Vedomstva ókilderiniń aqparatyna sáıkes, 2018 jyly Almaty oblysynda polıtseılerge kúsh qoldanǵan 28 fakti tirkelgen. Barlyq is jan-jaqty tergelip, QR QK 380 baby boıynsha kinálilerge sot úkimi shyǵyp, jaýapqa tartylǵan.
«Jyl basynan beri oblysta tártip saqshylaryna qarsylyq kórsetken 7 fakti tirkeldi. Onyń úsheýi QR QK 380 baby, al 4 is 378 bap boıynsha qozǵaldy. Barlyq is tergelip, zań júzinde sotta qaralatyn bolady», - dep tolyqtyrdy polıtsııa departamentinen.
