Almaty oblysynyń turǵyny ne sebepti ıtti júk kóligimen súıregenin aıtyp berdi

KONAEV. QazAqparat – Almaty oblysy Erkin aýylynda ıtti júk kóligine baılap, kóshede súıregen júrgizýshi polıtsııada áreketin túsindirdi, dep habarlaıdy QazAqparat tilshisi.

Almaty oblystyq polıtsııa departamenti atalǵan oqıǵanyń 25 qyrkúıekte Talǵar aýdanynda bolǵanyn habarlady. Qazirgi ýaqytta polıtsııa qyzmetkerleri júk kóliginiń 42 jastaǵy júrgizýshisin anyqtap, aýdandyq vedomstvoǵa jetkizdi.

Júrgizýshi ózin aqtaý retinde kóliktiń buzylýyna baılanysty májbúrli toqtaǵan kezde belgisiz bireýler ıtti kóligine baılap ketkenin jáne ol ıtti janynda ketip bara jatqan basqa kóliktegiler sıgnal bergende ǵana baıqaǵanyn aıtty.

«Atalǵan fakti boıynsha Talǵar aýdandyq polıtsııa basqarmasynda QR ÁQBtK-niń 407-1-babynyń 1-bóligi boıynsha ákimshilik is qozǵaldy. Aıta keteıik, atalǵan oqıǵa boıynsha polıtsııaǵa eshkim aryz, shaǵym bergen joq», - dep habarlady polıtsııa departamentiniń baspasóz qyzmeti.

Eske salaıyq, Talǵar aýdany Erkin aýylynda KamAZ júrgizýshisi ıtti júk kóligine baılap, kóshemen súıregenin jazǵan edik.