Almaty oblysynyń turǵyny maral ósirýdi qolǵa aldy
TALDYQORǴAN.QazAqparat – Almaty oblysynyń turǵyny Shyǵys Qazaqstan oblysynan 23 maraldy jetkizip, sharýashylyqty damytýdy qolǵa aldy, - dep habarlaıdy QazAqparat tilshisi.
Aqsý sýynyń bastaýynda ornalasqan sharýashylyq kerbuǵylardy arnaıy qorshalǵan orynǵa jiberdi. Sýyqsaı aýyldyq okrýgine qarasty Aqtóbe aýylynda ornalasqan «Arshaly týr» JShS medıtsınalyq týrızmdi damytýdy kózdep otyr.
«Maral múıizindegi qannyń quramynda adam aǵzasyna paıdaly 25 túrli mıkroelement bar. Al sorpasyna túsý súıek, býyn aýrýlaryna adam densaýlyǵyn nyǵaıtýǵa taptyrmas em. Demalys ornyna týrısterdiń aǵylyp keletinine kúmándanbaımyn. Jol azabyn tartyp, dertke shıpa izdep, Óskemenge baryp júrmeı, jaqyn jerden shıpajaı ashylsa halyqqa tıimdi bolady dep oılaımyn», - deıdi kásibin endi bastaǵan Berik Aldabergenov.
Kásipkerdiń basty maqsaty — emdeý-saýyqtyrý keshenin ashyp, demalys ornyna aınaldyrý. Turǵyn osy salany bastaý úshin jaz ýaqytynda Katonqaraǵaıǵa arnaıy baryp 10 kún maral ósirýdiń qyr-syrymen tanysyp, panta ázirleýdi úırenip qaıtypty. Aldaǵy ýaqytta taǵy da maraldardyń sanyn arttyryp, osy kásipti damytýdy josparlap otyr.
