Almaty oblysynyń turǵyny kúıeý balasyn óltirdi degen kúdikpen ustaldy
TALDYQORǴAN.QazAqparat - Almaty oblysynda 36 jastaǵy azamat kúıeý balasyn óltirdi degen kúdikpen ustaldy. Pyshaq jaraqaty jábirlenýshiniń júregine salynǵan, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, 6 naýryz kúni túngi saǵat 22:15-te Qarasaı aýdandyq Polıtsııa basqarmasyna kóshede er adamnyń máıiti jatqany jóninde habarlama túsken.
Áıteı aýylyna barǵan tártip saqshylary shaǵymdy rastaǵan. Tergeý barysynda anyqtalǵandaı, mert bolǵan 37 jastaǵy er adam áıelimen birge enesiniń úıinde turyp kelgen. Onyń múrdesi sol úıdiń mańyndaǵy kósheden tabylǵan. Jedel-izdestirý sharasy barysynda 36 jastaǵy kúdikti ustaldy. Ol mert bolǵan azamattyń áıeliniń týǵan aǵasy bolyp shyqty.
Kúdikti qaryndasynyń joldasymen ishimdik iship otyryp, jer ýchaskesine baılanysty sózge kelispeı qalǵanyn aıtqan. Artynsha dalaǵa shyǵyp, as úı pyshaǵyn onyń júregine bir ret tyqqanyn moıyndaǵan.
Kúdikti ýaqytsha ustaý ızolıatoryna qamaldy. Atalǵan fakti boıynsha QR QK 99 babynyń 1-bóligimen («Adam óltirý») sotqa deıingi tergeý júrip jatyr.
