Almaty oblysynyń turǵyny ǵashyǵyna barý úshin kórshisiniń kóligin urlap ketti
TALDYQORǴAN. QazAqparat - Almaty oblysynyń turǵyny ǵashyǵyna barý úshin kórshisiniń kóligin urlap ketti. Oqıǵa Úshtóbe qalasynda bolǵan, dep habarlaıdy QazAqparat tilshisi.
Bir qyzyǵy 64 jastaǵy zeınetker «Volkswagen Jetta» kóliginde kiltin qaldyryp ketken. Al kórshisi garajdan mashınany ıterip shyǵaryp, Taldyqorǵanǵa qaraı bet alǵan. Urlanǵan kólik Taldyqorǵanǵa kire beriste janarmaı quıý beketi janynan tabyldy.
Ǵashyǵyna «Volkswagen Jetta» kóligimen barmaq bolǵan 22 jastaǵy jigit mashınanyń nómirin sheship tastaǵan.
Qazir atalǵan fakti boıynsha QR QK-niń 200-babymen is qozǵaldy. Zańǵa sáıkes mundaı qylmys jasaǵan adamǵa bir myń aılyq eseptik kórsetkishke deıingi mólsherde aıyppul salynady nemese eki jylǵa deıingi merzimge bas bostandyǵy shekteledi.
