Almaty oblysynyń turǵyny eki adamdy óltirdi degen kúdikpen ustaldy
TALDYQORǴAN. QazAqparat - Almaty oblysynyń polıtseıleri eki adamdy óltirdi degen kúdikpen 31 jastaǵy aýyl turǵynyn qamaýǵa aldy, - dep habarlaıdy QazAqparat tilshisi.
Oqıǵa keshe, 22 tamyz kúni, Kóksý aýdanynda bolǵan. Taýly aımaqtaǵy qystaqtardyń birindegi sharýa qojalyǵynda qınap óltirý belgileri bar 23 jastaǵy er adam men 16 jastaǵy jasóspirimniń máıitteri tabylǵan.
Asa aýyr qylmysty osy sharýa qojalyǵynyń 31 jastaǵy jumysshysy jasady degen kúdikke ilinip otyr.
«Fakti boıynsha QR Qylmystyq kodeksiniń 99-baby 2-tarmaqshasy boıynsha sotqa deıingi tergeý jumystary bastaldy. Tergeý barysynda fakti boıynsha júrgizilýi tıis áreketter kesheni tolyq iske asyrylady. Oqıǵa ornynda balta tabylyp, tárkilendi. Ol aıǵaq zat retinde qylmystyq tergeý materıaldaryna tirkeldi. Kúdikti Kóksý aýdany polıtsııasynyń ýaqytsha ustaý ızolıatoryna qamaqqa alyndy», - dep habarlaıdy Almaty oblysy ІІD baspasóz qyzmeti.
