Almaty oblysynyń turǵyny belgisiz tirshilik ıesiniń qańqasyn taýyp aldy
TALDYQORǴAN. QazAqparat - Almaty oblysyndaǵy Sarqan aýdanyna qarasty Baqaly aýylynyń turǵyny belgisiz tirshilik ıesiniń qańqasyn taýyp aldy, dep habarlaıdy QazAqparat tilshisi.
«Bizdiń aýyl turǵyny úıdegi edenniń astynan belgisiz tirshilik ıesiniń qańqasyn taýyp alypty. Biz baryp, kózimizben kórdik. Qańqanyń jalpy poshymy dınozavrǵa uqsaıdy eken, biraq óte kishkentaı. Ózimiz de tańqalyp otyrmyz. Ázirge mundaı qańqanyń tek bireýi ǵana tabylypty», - deıdi QazAqparat tilshisimen telefon arqyly sóılesip, atalǵan jańalyǵymen bólisken Baqaly aýylynyń turǵyny Álibek Erlanuly.
Qazir bul sýretter áleýmettik jelide keńinen taralyp, kópshiliktiń qyzyǵýshylyǵyn týdyrýda. Pikir qaldyrýshylardyń basym bóligi tabylǵan qańqany ǵalymdar zertteýge alsa degen oılarymen bólisýde.
