Almaty oblysynyń turǵyny balaǵa jynystyq áreketter jasaý kúdigimen ustaldy
QONAEV. QazAqparat – Almaty oblysynda 7 jasar balaǵa jynystyq áreketter jasady degen kúdikpen 44 jastaǵy er adam ustaldy, dep habarlaıdy QazAqparat tilshisi.
«11 mamyr kúni Eńbekshiqazaq aýdanynyń polıtsııa bólimine Kóktóbe-1 aýylynyń 57 jastaǵy turǵyny aryzben kelip, 44 jastaǵy kórshisine shara qabyldaýdy suraǵan. Shaǵymdanýshynyń nemeresiniń aıtýy boıynsha, 2022 jyly er adam ózine jynystyq sıpattaǵy is-áreketter jasaǵan», - delingen Almaty oblystyq Polıtsııa departamenti baspasóz qyzmetiniń habarlamasynda.
Derek QR Qylmystyq kodeksiniń 121-baby 4-bóligi boıynsha aýdandyq polıtsııada tirkeldi. Kúdikti zańnamada belgilengen tártippen qamaýǵa alyndy.
Atalǵan derekti tekserý sheńberinde birqatar sot-medıtsınalyq saraptama taǵaıyndaldy. Tergeýdiń jan-jaqtylyǵy, tolyqtyǵy men obektıvtiligin qamtamasyz etý úshin taraptardyń dálelderi tekserilip jatyr.
QR Qylmystyq-protsessýaldyq kodeksiniń 201-baby sheńberindegi ózge aqparat jarııa etýge jatpaıdy.
