Almaty oblysynyń turǵyny baqshasynda tamshylatyp sýarý arqyly qara sora ósirgen
«Elimizdiń óńtústik óńirinde kún jylyna bastaǵanda esirtki ósimdikterin ósirýge degen áreketter qolǵa alyna bastaıdy. Almaty oblysynyń esirtki polıtseıleri baqshasyndaǵy jer teliminde 1 259 túp qara sora ekken, Qarasaı aýdany Qoldy aýylynyń jergilikti turǵynyn anyqtady», delingen habarlamada.
Zańsyz plantatsııada ósimdikti qorektendirý jáne tamshylatyp sýarý ádisi qoldanylǵan. Qara soranyń kórshilerine kórsetpeý úshinol 2 metrlik qorshaýmen qorshalǵan.
«Ustalǵan adamnyń úıine jáne qorasyn tintý barysynda keptirilgen marıhýana salynǵan úsh paket, sondaı-aq qara sora dáni bar paketter tabyldy. Qara sora ósirilgen plantatsııa joıyldy», delingen habarlamada.
Kináli tulǵaǵa qatysty QR Qylmystyq kodeksiniń 330-baby «Quramynda esirtki bar, ósirýge tyıym salynǵan ósimdikterdi zańsyz egip-ósirý» boıynsha qylmystyq is qozǵaldy. Atalǵan bap boıynsha 2000 AEK kóleminde aıyppul salyp, túzetý jumystaryna jiberý, eki jylǵa deıin bas bostandyǵyn shekteýdi nemese aıyrý jazasy berilýi múmkin.