Almaty oblysynyń turǵyny baqshasynda 5,6 myń túp qarasora ósirgen

TALDYQORǴAN. QazAqparat - Almaty oblysynyń 38 jastaǵy turǵyny baqshasynda esirtkini ósirdi degen kúdikpen ustaldy, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, kúdiktiniń baqshasynan 5633 túp qarasora tárkilengen. Qazir osy fakti boıynsha tergeý bastaldy.

«Arnaıy saraptamamen tárkilengen zattyń esirtki ekeni dáleldendi. Qazir QR QK-niń 300-baby 1-bóligi boıynsha sotqa deıingi tergeý júrip jatyr», - delingen vedomstvonyń habarlamasynda.

Aıta keteıik, baqshasynda esirtkini ósirgen Kóksý aýdanynyń 38 jastaǵy túrǵyny «Dármek» jedel- aldyn alý sharasy barysynda qolǵa tústi. Esirtkige qarsy baǵyttalǵan mundaı jumystar aldaǵy ýaqytta da jalǵasyn tabady.