Almaty oblysynyń turǵyny Armenııadan óz atyna 78 avtokólik ákelgen - ІІM

NUR-SULTAN. QazAqparat – QR ІІM elge EAEO elderinen ákelingen kólik quraldary týraly málimetterge taldaý júrgizdi, dep habarlaıdy QazAqpart.

Mınıstrliktiń baspasóz qyzmetiniń habarlaýynsha, 475 qazaqstandyq 4152 avtokólik, ıaǵnı árbir adam 5 jáne odan da kóp kólik ákelgen.

Kólik quraldaryn alyp kelýden Almaty oblysynyń turǵyny kósh bastady. Ol óz atyna tirkelgen 78 avtokólikti Armenııadan ákelgen.

Atyraý oblysynyń eki turǵyny 43 jáne 40 avtokólik kirgizgen.

Qazaqstanǵa 5-ten kóp kólik alyp kirgenderdiń basym kópshiligi myna oblys turǵyndary:

Atyraý oblysy – 2300 avtokólik,

Mańǵystaý oblysy- 468 avtokólik,

Aqtóbe oblysy - 391 avtokólik,

Almaty oblysy - 170 avtokólik

Túrkistan oblysy - 146 avtokólik.