Almaty oblysynyń turǵyny «Adidas» kıimderin qoldan tikken
TALDYQORǴAN. QazAqparat - Almaty oblysynda tanymal brendterdiń sport aıaq kıimderin qoldan tikken kúdikti ustaldy. Qazir 1982 jylǵy azamattyń ústinen bótenniń taýar tańbasyn zańsyz paıdalaný faktisi boıynsha qylmystyq is qozǵaldy, dep habarlaıdy QazAqparat tilshisi.
«1982 jyly týǵan Qazaqstan Respýblıkasynyń azamaty jalǵan sport aıaq kıimderin qoldan jasaǵan, sol arqyly «Adidas AG» (Germanııa) jáne «Adidas International Marketing BV» (Nıderlandy) kompanııalaryn 19 mln teńge somasyna zalal keltirgen. Tintý barysynda qoımada tanymal kompanııalardyń túpnusqalyq úlgilerine sáıkes kelmeıtin 800 jup sport aıaq kıimi anyqtalyp, tárkilendi. Atalǵan fakt boıynsha QR QK 222-b. 1-b. boıynsha qylmystyq is qozǵaldy», - dedi Almaty oblysy boıynsha Ekonomıkalyq tergeý departamentiniń baspasóz hatshysy Aınur Idrısova.
