Almaty oblysynyń turǵyny 60 áleýmettik jeli qoldanýshysyn taqyrǵa otyrǵyzdy
TALDYQORǴAN. QazAqparat - Astana qalasyndaǵy Saryarqa aýdandyq polıtsııa basqarmasynyń tártip saqshylary Almaty oblysy turǵynynyń ústinen sotaldy tergeý júrgizip jatyr. 21 jastaǵy kúdikti Instagram jáne Kontakte áleýmettik jelileri arqyly qoldanýshylardyń senimine kirip, aldap soqqan, dep habarlaıdy QazAqparat tilshisi.
Ázirge polıtseıler 60 faktini anyqtaǵan. ıAǵnı, kúdikti óziniń pıǵylyn «betgames», «bumazhki2017 akkaýnttary arqyly júzege asyryp otyrǵan. Ol jeli qoldanýshylaryna sporttyq oıyndarǵa aqsha tigý arqyly, olardyń qarajattaryn birneshe esege kóbeıtip berýdi ýáde etken. Almaty oblysynyń turǵyny ózine sengen adamdarǵa 5 myń - 100 myń teńge aralyǵyndaǵy aqshany Qiwi shotyna aýdartqyzǵan. Kúdikti aqshany bir táýliktiń ishinde birneshe ese etip qaıtaryp beremin dep ýáde berip, biraq keri qaıtarmaǵan.
Qazir osy faktige baılanysty QR QK «Alaıaqtyq» baby boıynsha is qozǵalyp, tergeý júrip jatyr. Qazir polıtseıler osyndaı jaǵdaıǵa tap bolyp, zardap shekkender bar bolsa, Saryarka aýdanyndaǵy Aqbuǵy 4 kóshesindegi polıtsııa bólimine nemese 8 701 121 41 78, 8 (7212) 71-66-13 jáne 102 nomerlerine dereý habarlasýdy suraıdy.
