Almaty oblysynyń turǵyny 6 qaraquıryq atqany úshin jaýapqa tartylýda
TALDYQORǴAN. QazAqparat - Almaty oblysynyń turǵyny 6 qaraquıryq atqany úshin jaýapqa tartylýda. Oblystyq ІІD baspasóz qyzmetiniń málimetine súıensek, uıǵyr aýdanynyń turǵyny qaraquıryqty atty degen kúdikke ilinýde. Ol «Sharyn» tabıǵı ulttyq parkinde qolǵa túsken, dep habarlaıdy «QazAqparat» HAA tilshisi.
Qazir QR QK 339-baby boıynsha qylmystyq is qozǵaldy. Atyp alynǵan janýardyń eti saraptamaǵa jiberildi. Sondaı aq tárkilengen qarý esh jerde tirkelmegen bolyp shyqty.
Aıta ketý kerek, 2016 jyly tabıǵatty qorǵaý zańy boıynsha 1582 zań buzýshylyq tirkelgen. Qylmystyq jaýapkershilikke 500-den astam adam tartyldy. Sondaı aq ustalǵan 1000-nan asa adam ákimshilik jaýapkershilikke tartyldy.
