Almaty oblysynyń turǵyny 5,4 keli esirtkimen ustaldy
ALMATY. Qańtardyń 14-i. QazAqparat /Erbol Azanbek/ - Kóliktegi Ońtústik-Shyǵys ishki ister departamentiniń (KO-Sh ІІD)esirtkimen kúres basqarmasynyń qyzmetkerleri Jambyl oblysy aýmaǵynda 5 keli geroın tárkiledi,
dep habarlaıdy QazAqparat atalmysh departamenttiń memlekettik til jáne aqparat bólimine silteme jasap.
Polıtsııa qyzmetkerleri Merke stansysyndaǵy alańda qańtardyń 9-y kúni 29 jasar Almaty oblysynyń turǵynyn tekserip, odan 5,4 keli geroın tapty. Ustalǵan azamattyń aıtýynsha, esirtkini taýyp alǵan, ary qaraı ózi paıdalanýdy kózdegen. Qazirgi kezde qylmystyq is qozǵalyp, esirtki satýshylar izdestirilýde.
Jalpy 2009 jyly KO-Sh ІІD esirtkimen kúres basqarmasy esirtki tasymaldaýdyń - 84, kontrabandanyń 27 faktisin anyqtaǵan. Zańsyz aınalymnan 7 tonna 567 keli 730 gramm esirtki zattary shyǵarylǵan.
