Almaty oblysynyń turǵyndary jeke sektordaǵy jaıaý jol arqyly úıine jetpek bolǵan
ALMATY. QazAqparat – Qaladaǵy №14 baqylaý-ótkizý pýnktinde qyzmette turǵan tártip saqshylary eki jaıaý quqyqbuzýshyny anyqtady, dep habarlaıdy QazAqparat tilshisi.
Almaty qalalyq PD baspasóz qyzmetiniń málimetinshe, Almaty oblysynyń turǵyndary Úlken Almaty kanaly boıymen, Qulja trassasynan tómen túsip, jeke sektordyń soqpaq jolymen úılerine jetpek bolǵan.
Jastar qaladan shyǵýǵa tyıym salynǵanyna qaramastan, tótenshe jaǵdaıdyń erejelerin buzdy, sol úshin olar, QR ÁQbK-niń 476-baby boıynsha jaýapkershilikke tartyldy.
«Bul Sizdiń jáne jaqyndaryńyzdyń qaýipsizdigi úshin jasalýda. Biz birge juqpaly indettiń taralýyn boldyrmaýǵa mindettimiz, bul úshin tótenshe jaǵdaı erejelerin jáne sanıtarlyq-gıgıenalyq sıpattaǵy mamandardyń usynystaryn qatań saqtaýymyz kerek», - dep Almaty polıtsııasy azamattardy tártipke jáne zańǵa baǵynýǵa shaqyrady.
Eske salaıyq, 19 naýryzdan bastap Nur-Sultan men Almaty qalalarynda karantın rejımi engizilgen bolatyn.
