Almaty oblysynyń turǵyndary vaktsınany Almaty qalasynda saldyra alady

NUR-SULTAN. QazAqparat – Almaty qalasyndaǵy epıdahýal Almaty oblysyndaǵy irgeles aýdandarǵa qatty áser etip otyr. Oblys ákiminiń orynbasary Batyrjan Baıjumanov ortalyq kommýnıkatsııalar qyzmetinde ótken brıfıngide osyndaı málimet aıtty, dep habarlaıdy QazAqparat tilshisi.

«Birinshe kezekte vırýspen kúrestiń algorıtmin Almaty qalasymen birlesip jasaǵan bolatynbyz. Pandemııanyń birinshi tolqynynda blok beketter qoıylǵanyn bilesizder. Qazir ondaı problema joq. Qazir vaktsınatsııa boıynsha birlesken jumys júrip jatyr. ıAǵnı, bizdiń oblystyń turǵyndary Almaty qalasynda eshbir kedergisiz ekpe saldyra alady», - dedi ákimdik ókili.

Ákimniń orynbasary oblystaǵy epıdahýaldy Almaty qalasyna baryp jumys isteıtinder ýshyqtyryp turǵanyn moıyndady.

«Shekteý sharalary respýblıkanyń bas sanıtar dárigeriniń qaýlysymen bekitilgen. Sondyqtan shekteý bárinde birdeı. Almaty qalasyna irgeles 5 aýdan bar. Olardyń tirshiligi qalamen tyǵyz baılanysty. Osy irgeles aýdandardaǵyy aýrýshańdyq kórsetkishi Almatydaǵy sııaqty joǵary. Óıtkeni turǵyndarynyń kóbi Almaty qalasynda jumys isteıdi. Osylaısha, jumysta aýrý juqtyryp, ony úıine ákeledi. Sondyqtan irgeles aýdandarda aýrýshańdyq kórsetkishi joǵary bolyp tur. Búginde Almaty qalasynda aýrýshaqtyń túsip edi, Almaty oblysynda da túse bastady», - dedi Batyrjan Baıjumanov.

Al oblystyń bas sanıtar dárigeri Erǵalı Sydymanov oqý jyly bastalar tusta APORT MALL saýda ortalyǵynyń ashyq bolýy epıdahýaldy ýshyqtyrǵanyn moıyndady.

«Shynymen de sabaq bastalar kezde Almaty qalasyndaǵy saýda nysandary jabyq bolǵandyqtan, bizdegi APORT MALL saýda ortalyǵyna aǵyldy. Sonyń saldarynan epıdahýal nasharlady. Biraq bul bir kún ǵana boldy. Biz jedel sheshim qabyldap, erteńinde-aq, saýda nysanyndaǵy sanıtarlyq-epıdemıologııalyq saqtyq sharalary qatań baqylaýǵa alynǵan bolatyn», - dedi Erǵalı Sydymanov.