Almaty oblysynyń turǵyndary úshin 606 saılaý ýchaskesi jumys isteıdi

QONAEV. QazAqparat – Almaty oblysynyń turǵyndary úshin 20 qarashada ótetin QR prezıdentiniń kezekten tys saılaýynda 606 saılaý ýchaskesi jumys isteıdi. Bul týraly QR Ortalyq saılaý komıssııasy músheleriniń qatysýymen ótken kóshpeli semınar-keńeste aıtyldy, dep habarlaıdy QazAqparat OSK saıtyna silteme jasap.

Kezdesý barysynda málim bolǵanyndaı, Almaty oblysynda daýys berý kúni 606 saılaý ýchaskesi jumys isteıdi, onyń 21-i qoljetimdiligi shekteýli.

Oblysta barlyǵy 42 171 múgedektigi bar adamdar tirkelgen. Daýys berýge arnalǵan 606 saılaý ýchaskesiniń úı-jaılary ǵımarattardyń birinshi qabattarynda ornalasqan. Daýys berýge arnalǵan úı-jaılarǵa kire beriste 572 saılaý ýchaskesinde tutqalar ornatyldy, taktıldi kórsetkishter 390 saılaý ýchaskesinde bar. Sonymen qatar, 585 saılaý ýchaskesinde múgedektigi bar adamdarǵa arnalǵan buryshtar uıymdastyrylyp, kabınalar jabdyqtalǵan. Sondaı-aq, daýys berý kúni oblystyń barlyq aýdandary men qalalarynda saılaýshylardy saılaý ýchaskelerine jetkizý úshin ınvataksı qyzmetiniń 18 avtomashınasy tartylatyn bolady.

Semınar-keńeste Almaty oblysy PD basqarmasynyń bastyǵy M. Qalıaskarov QR Prezıdentiniń kezekten tys saılaýyn ázirleý men ótkizý kezeńinde qoǵamdyq tártipti, qoǵamdyq jáne jol qaýipsizdigin qorǵaýdy qamtamasyz etý týraly baıandady. Ol ishki ister organdary daýys berý ótkiziletin barlyq obektilerdi pysyqtaıtynyn, tıisti jáne jol qaýipsizdigin qamtamasyz etý jóninde barlyq qajetti sharalardy qabyldaǵanyn jetkizdi.