Almaty oblysynyń turǵyndary ýlanyp qalǵan torttar astyrtyn kondıterlik tsehta jasalǵan - Densaýlyq saqtaý mınıstrligi
ASTANA. Qarashanyń 16-sy. QazAqparat /Damır Baımanov/ - Almaty oblysynyń turǵyndary ýlanǵan tort ónimderi astyrtyn kondıter tsehynda daıyndalyp, eshqandaı ilespe qujattarsyz dúkenderde satylyp kelgen.
QazAqparat tilshisine bul týraly Densaýlyq saqtaý mınıstrliginiń baspasóz qyzmetinen habarlady.
Naýqastardyń jaǵdaıy ortasha aýyr dep baǵalanýda. Olar qajetti em-dom qabyldaýda.
Densaýlyq saqtaý mınıstrliginiń baspasóz qyzmetinen habarlaǵandaı, qarashanyń 12-sinde tamaqtan ýlanýdyń 30 oqıǵasy tirkeldi, onyń 23 oqıǵasy - Almaty oblysynda bolǵan. Uıymdastyrý-tájirıbelik kómek kórsetý úshin Almaty oblysyna respýblıkalyq sanıtarlyq-epıdemıologııalyq stansysynyń mamandary jóneltildi.
Buǵan deıin Tótenshe jaǵdaılar mınıstrligi qarashanyń 10-y kúni Uıǵyr aýdanynda aýdandyq aýrýhanaǵa «tamaqtan toksıkologııalyq ýlaný» dıagnozymen 32 adam jetkizilgenin habarlaǵan bolatyn: Shonjy aýylynan - 10 adam, Úlken Aqsýdan - 15, Shoshanaıdan - 4 jáne Keńsaıdan - 3 adam tústi.
