Almaty oblysynyń turǵyndary tasjoldyń eldi meken ishimen ótýine qarsy
TALDYQORǴAN. QazAqparat - Almaty oblysynyń Eskeldi aýdanyna qarasty Baqtybaı aýylynyń turǵyndary Almaty-Óskemen tasjolynyń eldi meken ishimen ótetin bóliginiń jobasyna qarsy, dep habarlaıdy QazAqparat tilshisi.
Turǵyndardyń aıtýynsha, jańa jol Qonaev kóshesiniń boıyndaǵy 54 úıdiń aýlasyn taryltyp, qozǵalysyn shekteıdi. Sebebi eki jolaqty jol tórt jolaqty bolyp keńeıedi. Oǵan qosymsha sýaǵarlar men jaıaý júrginshi joly qosylady. Bul turǵyndardyń júrip-turýyna, kólikpen kirip-shyǵýyna múldem qolaısyz. Sondyqtan turǵyndar oblys ákiminen arasha surap, vıdeohat joldady. Jol jasalady degeli 3-4 jyldan beri dál osy kósheniń aýyz sýy, jaryq júıesi jasalmaı keledi. Alaıda mamandar joldyń eni eski joldan esh ulǵaımaıdy degen pikirde.
"Qazavtojol" UQ AQ Almaty oblystyq fılıaly dırektorynyń orynbasary Nurhat Aqyltaev turǵyndarmen kezdesip, jobanyń jaı-japsaryn túsindirdi. Turǵyndardyń máselesin sheshý maqsatynda arnaıy komıssııa qurylyp, olar ár úıdi jeke-jeke aralap shyǵatyn bolady. Eger másele oń sheshilmese baqtybaılyqtar beıbit sherýge shyǵyp, joldy jabýǵa bel býyp otyr.
