Almaty oblysynyń turǵyndary otshashý atam dep mal azyǵyn órtep jiberdi
TALDYQORǴAN. QazAqparat - Almaty oblysynyń turǵyndary otshashý atý barysynda mal azyǵyn órtep aldy. Bir oqıǵa Raıymbek aýdanynyń Kómirshi aýylynda oryn alsa, ekinshisi Jambyl aýdanynyń Qasymbek aýylynda bolǵan dep habarlaıdy QazAqparat tilshisi oblystyq TJD baspasóz qyzmetine silteme jasap.
Jańa jyldy merekeleý kezinde 14 órt deregi tirkelse, onyń 4-eýi otshashý qoldaný saldarynan bolǵan.
Tekeli jáne Qaskeleń qalalarynda otshashý ushqyny kópqabatty úılerdiń balkonyna túsip, ondaǵy kıimder men zattardyń órtenýine sebepshi bolǵan. Sondaı-aq Raıymbek aýdany, Kómirshi aýylynda otshashýdan 4,5 tonna shóp órtke oransa, Jambyl aýdanynyń Qasymbek aýylynda 15 tonna mal azyǵy janyp ketti. Barlyq órtti sóndirýge aýdandardyń órt sóndirý bólimderiniń jeke quramy atsalysty.
Almaty oblystyq TJD baspasóz qyzmetiniń málimdeýinshe, qaza bolǵandar jáne zardap shekkender joq.
