Almaty oblysynyń turǵyndary aýyldasynyń 100 qoıyn urlap ketti
TALDYQORǴAN. QazAqparat - Almaty oblysynda sharýanyń 100 qoıyn urlaǵan eki kúdikti birden ustaldy. Oqıǵa Іle aýdanyndaǵy Aqshı aýylynda bolǵan, dep habarlaıdy QazAqparat tilshisi.
Ótken táýlikte Aqshı aýylynyń 42 jastaǵy turǵyny qoraly qoıynyń joǵalǵandyǵy týraly polıtsııaǵa aryzdanǵan. Jábirlenýshi ózine keltirilgen shyǵyn kólemin 2 226 000 teńgege baǵalaǵan. Atalǵan fakti izi sýymaı ashyldy. Krımınaldy polıtsııanyń ókilderi aıdap áketilgen maldyń izine shyǵyp, urlanǵan qoılardy shalǵaıdaǵy sharýa qojalyǵynyń eski qorasynan tapty.
«Qazir kúdikti retinde eki azamat ustaldy. Ekeýi de sol aýyldyń turǵyndary bolyp shyqty. Urlanǵan 67 qoı óziniń ıesine qaıtaryldy. Qalǵan maldar izdestirilýde», dep málim etti oblystyq ІІD baspasóz qyzmeti.
Qazir atalǵan fakti boıynsha QR QK 188-babynyń 3-bóligine sáıkes is qozǵalyp, tergeý jumystary jalǵasýda. Al kúdikti azamattar qamaýǵa alyndy.
