Almaty oblysynyń turǵyndary 42500 teńge alýǵa qujat tapsyra bastady

TALDYQORǴAN. QazAqparat - QR Prezıdenti Qasym-Jomart Toqaev eldegi tótenshe jaǵdaıǵa baılanysty tabysynan aırylǵan azamattarǵa Úkimet tarapynan áleýmettik kómek taǵaıyndaýdy tapsyrǵan bolatyn. Almaty oblysynyń turǵyndary 42500 teńge kólemindegi áleýmettik tólemge ótinish berip, qujattaryn rásimdeı bastady, dep habarlaıdy QazAqparat tilshisi.

Qazirgi tańda 30-ǵa jýyq azamat qujat tapsyrǵan. Oblystyq Jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Baqyt Toqtarqyzynyń aıtýynsha, naýqan endi bastalady.

«Egov» portaly arqyly «elektrondy qoltańbany» qashyqtyqtan alý qyzmetine júginip, ary qaraı ózińizge kerekti bólimshege kirip, tıisti qujattardy ótkizýge múmkindik bar. Jumysynan aıyrylǵan eldegi barlyq azamat bul ıgi istiń sharapatyn kóre alady», -deıdi Baqyt Toqtarqyzy.

Qazirgi tańda Almaty oblysy boıynsha 3100 adam tótenshe jaǵdaıǵa baılanysty aqysyz demalysqa shyqty. Mamandar bul kórsetkish aldaǵy ýaqytta eselene túsetinin aıtady.