Almaty oblysynyń tótenshe jaǵdaılar salasynyń ókilderi alty balyqshyny qutqardy
TALDYQORǴAN.QazAqparat – Búgin Almaty oblysynyń qutqarýshylary Alakól kóliniń Uzynbulaq ýchaskesinde 6 balyqshy qutqaryp, jaǵaǵa jetkizdi, - dep habarlaıdy QazAqparat tilshisi.
Almaty oblystyq Tótenshe jaǵdaılar departamenti baspasóz qyzmetiniń málimetinshe, alty balyqshy qysqy balyq aýlaý kezinde eki avtokólikpen juqa muzǵa shyǵyp ketken. Biraz ýaqyttan keıin muz jarylyp, bir kólik kólge batyp ketken.
«Muz betinde qalǵan alty adam juqa muzdyn betimen ózdiginen qozǵala almady (bul ýchaskesindegi muzdyń qalyńdyǵy 10-15 sm). Qutqarylǵandardyń barlyǵy medıtsınalyq kómekke muqtaj emes. Qutqarý operatsııasyna Almaty oblysy TJD Jedel-qutqarý jasaǵynyń 4 qutqarýshysy, 1 júzý quraly jáne 1 tehnıkasy jumyldyryldy», - delingen vedomstvonyń taratqan aqparatynda.
