Almaty oblysynyń tótenshe jaǵdaılar qyzmetkerleri túrli plakattarmen kóshege shyqty
TALDYQORǴAN. QazAqparat - Almaty oblysynyń tótenshe jaǵdaılar qyzmetkerleri túrli plakattarmen kóshege shyqty. Halyqtyń qaýipsizdigin qamtamasyz etýdi oılaǵan mamandar eskertpelerdi plakattarǵa jazyp alǵan, dep habarlaıdy QazAqparat tilshisi.
«Sirińke balalar oıynshyǵy emes!», «Toqta, útikti óshir!», «Siz peshtiń jaryqtaryn bitedińiz be?!», «Siz peshtiń qudyǵyn tazaladyńyz ba?», «Órt kezinde 101/112 qońyraý shal!», «Peshti qaraýsyz qaldyrmańyz!» degen syndy eskertpelerdi mamandar kóterip shyqty. Sondaı-aq, dál osy jazýlar arnaıy avtokólikterge jabystyrylyp, Taldyqorǵannyń kóshelerimen júrip ótti.
«Adamdar kóp jınalatyn jerlerde daýys zoraıtqysh qurylǵylar arqyly peshter men elektr jabdyqtaryn paıdalaný kezinde órtterdiń aldyn alý, sondaı-aq adamdardyń gazdan ýlanýynyń aldyn alý boıynsha orys jáne memlekettik tilderinde «Abaılańyz, ýly gaz!» «Peshterdi paıdalaný jáne elektr jabdyqtaryn paıdalaný kezindegi órt qaýipsizdigi erejeleri», «Turmystaǵy órt qaýipsizdigi» jáne t. taqyryptarda halyqqa eskertýler aıtyldy» dep málimdedi Almaty oblystyq TJD baspasóz qyzmetinen.
Taldyqorǵanda ótken atalǵan sharaǵa 141 adam qatysty.
