Almaty oblysynyń taýly aımaqtarynda naızaǵaı túsýi múmkin

TALDYQORǴAN. QazAqparat - Almaty oblysynyń taýly aımaqtarynda qatty jel soǵady degen boljam bar. Tótenshe jaǵdaılar departamenti eskertý habarlamasyn taratty, - dep habarlaıdy QazAqparat tilshisi.

«Qazgıdromet» RMK-nyń 30 sáýirdegi daýyldy eskertýiniń negizinde 1 mamyr kúni Almaty oblysyndaǵy Alakól kóliniń aýmaǵynda ońtústik-shyǵystan jel soǵýy múmkindigin eskertemiz. Jeldiń ekpini sekýndyna 24-29 metrge deıin jetedi. Sonymen qatar, taýly aýdandarda kún kúrkirep, naızaǵaı túsýi yqtımal«, - delingen Almaty oblysy TJD baspasóz qyzmetiniń habarlamasynda.

Vedomstvonyń aqparatyna sáıkes, TJD turǵyndardy aýa raıynyń ózgerýin baqylaýǵa jáne qaýipsizdik sharalaryn saqtaýǵa shaqyrady.

»Daýyldy eskertýler jáne basqa da shuǵyl aqparatty jedel alý úshin «Dármen» tegin mobıldi qosymshasyn júkteı alasyz«, - dep tolyqtyrdy vedomstvonyń baspasóz qyzmetinen.

Buǵan deıin Atyraýda shańdy daýyl soǵyp turǵany habarlanǵan.