Almaty oblysynyń taýly aýdandarynda qar kóshkini júrýi yqtımal
ALMATY. QazAqparat - «Qazgıdromet» RMK Ońtústik Qazaqstan, Almaty jáne Shyǵys Qazaqstan oblystarynyń taýly aýdandarynda kútiletin kún jylynýy menjaýyn-shashynǵa baılanysty 14-16 naýryz aralyǵynda qar kóshkini júrýi yqtımal degen boljam jasap otyr.
Bul týraly qala ákimdiginiń janyndaǵy «Almaty qalasynyń qutqarý qyzmeti» MKQK baspasóz qyzmeti habarlady.
Tótenshe jaǵdaılardy boldyrmaý maqsatynda Almaty qalasynyń turǵyndary men qonaqtaryna qaýipsizdik sharalaryn ustanyp, taýly alaptarǵa barmaýǵa keńes berilýde. Tótenshe jaǵdaı oryn alǵan kezde 109, 112 telefondaryna habarlasý kerek.
