Almaty oblysynyń taýly aýdandarynda qar kóshkini bolýy múmkin
ALMATY. QazAqparat - Aýa-raıynyń jylynýyna jáne jaýyn-shashynnyń jıilep ketýine baılanysty Almaty oblysynyń taýly aýdandarynda (3000 metrden joǵary deńgeıde) 2016 jyldyń 10-11 mamyry aralyǵynda qar kóshkini bolýy múmkin.
Bul týraly búgin Almaty qalasynyń Tótenshe jaǵdaılar jónindegi departamentiniń baspasóz qyzmetinen habarlady.
«Aýa-raıynyń jylynýy, jaýyn-shashynnyń jıilep ketýi jáne qar jamylǵysynyń turaqsyzdyǵyna baılanysty Almaty oblysynyń taýly aýdandarynda (3000 metrden joǵary deńgeıde) 2016 jyldyń 10-11-shi mamyry aralyǵynda qar kóshkini bolýy yqtımal. Sondyqtan, qar basqan taý bókterlerine shyǵýdan bas tartqan jón. Taý joldarynda abaı bolyńyzdar!», - delingen habarlamada.
Aıta ketelik, Almaty qalasynyń Tótenshe jaǵdaılar jónindegi departamenti bul eskertýdi «Qazgıdromet» memlekettik kásipornynyń búgingi eskertýi negizinde jasady.
