Almaty oblysynyń taýlarynda órt qaýipsizdigin qamtamasyz etý úshin áskerıler kezekshilikke túsedi
Almaty oblysynyń TJD málim etkendeı, joǵary temperatýralyq fonǵa baılanysty taýlarda órt qaýpi joǵary bolyp tur. Ony elimizdiń ár aımaǵynda bolǵan iri órtteri rastaıdy.
«Órt qaýpi bar kezeń bastalǵannan beri oblys aýmaǵynda memlekettik orman qory aýmaǵyndaǵy qurǵaq shópter men ósimdikterdiń 21 ret órtendi. Jalpy aýdany 16 418 ga, materıaldyq shyǵyny 19 mln 681 myń teńge, eldi mekenderden tys jerlerde 148 ga alańda qurǵaq shóp 99 ret órtendi», - dep habarlady TJD-da.
Almaty oblysynyń Talǵar jáne Qarasaı aýdandary men beketterinde órt qaýpi bar kezeńde qaýipsizdikti qamtamasyz etý úshin 120 áskerı qyzmetshi jaýyngerlik kezekshilik atqarady. Olar Іle ózeni boıyndaǵy qutqarýshylar bazasyndaǵy azamattyq qorǵanys 28237 áskerı bóliminiń sarbazdary.
«Áskerı qyzmetshilermen orman órtine áreket etý jáne aldyn alý is-sharalaryn júrgizý boıynsha nusqaýlyqtar ótkizildi. Almaty oblysy TJD qyzmetkerleri áskerı qyzmetshilermen birlesip kún saıyn halyqtyń demalatyn oryndarynda reıdtik is-sharalar ótkizedi. Reıdtik is-sharalardy ótkizý úshin polıtsııa qyzmetkerleri men eriktiler, orman sharýashylyǵy jáne ulttyq parkter tartylady. Azamattyq qorǵanys kúshteri, jergilikti polıtsııa qyzmeti, orman mekemeleri men JAO-dan 51 adamnan turatyn 10 mobıldi top quryldy», - delingen TJD-nyń habarlamasynda.
Sondaı-aq vedomstvonyń málimetinshe, qurǵaq shóptiń órtenýine ákelgen órt qaýipsizdiginiń belgilengen erejelerin buzǵany úshin 23 jeke jáne zańdy tulǵa ákimshilik jaýapqa tartylyp, 1 mln 483 myń teńge kóleminde aıyppul salyndy.
Almaty oblysynyń TJD oblys turǵyndaryna, týrısterge jáne qonaqtarǵa órt qaýpi bar maýsymda órt qaýipsizdiginiń barlyq talaptaryn saqtaýǵa shaqyrdy.
