Almaty oblysynyń taýlarynda qar kóshý qaýpi kúsheıdi
TALDYQORǴAN. QazAqparat - Aldaǵy kúnderi Almaty oblysynyń taýly aımaqtarynda qar kóshkini júrýi múmkin. Bul týraly «Qazgıdromet» RMK baspasóz qyzmeti málimdedi, dep habarlaıdy Qazaqparat tilshisi.
Sınoptıkterdiń málimetinshe, ótken táýlikte elimizdiń taýly aımaqtarynda qar jaýǵan joq. Qar betinde eshqandaı ózgeris bolmaǵan. Taýdaǵy aýa temperatýrasy elimizdiń shyǵysynda 10-30 gradýs sýyq bolsa, ońtústkik-shyǵysta 3-10 gradýs aıaz boldy. Al ońtústikte 2-5 gradýs nólden tómen kórsetkishti kórsetti. Kúndiz +4 gradýsqa deıin jylyndy.
Jel men borannyń kúsheıýi baıqalmaǵan. Sondyqtan qar kóshkini qaýpi bolmady. Biraq aldaǵy kúnderi 3-4 aqpanda Almaty oblysynda qar jaýyp, qar kóshkini bolýy múmkin. Sondyqtan taýǵa shyǵýdan bas tartý qajettiligi eskertildi.
