Almaty oblysynyń taýlarynda qar kóshkini júrý qaýpi bar

ALMATY. QazAqparat- Almaty oblysynyń taýlarynda 22-28 aqpan aralyǵynda kóshkini júrýi múmkin. Osyǵan baılanysty oblystyq Tótenshe jaǵdaılar departamenti óńir turǵyndaryna eskertý jasady, dep habarlaıdy QazAqparat tilshisi.

Qutqarýshylar azamattardan, týrısterden jáne demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik sharalaryn saqtaýdy suraıdy.

«Almaty oblysynyń aýmaǵynda Іle Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady»,- dep habaraıdy Almaty oblystyq Tótenshe jaǵdaılar departamentiniń baspasóz qyzmeti.