Almaty oblysynyń taýlarynda aıaǵy synǵan týrıst qutqaryldy

QONAEV. QazAqparat- Respýblıkalyq jedel-qutqarý jasaǵy Almaty oblysynyń taýlarynda aıaǵy synǵan týrısti qutqardy, dep habarlaıdy QazAqparat tilshisi.

Respýblıkalyq jedel-qutqarý jasaǵynyń málimetinshe, Almaty oblysy, Jambyl aýdany Arasan-Qorasan shatqalynda 38 jastaǵy áıel aıaǵyn syndyryp alǵany týraly habar kelip tústi.
«TJM Respýblıkalyq jedel-qutqarý jasaǵynyń toby kómekke jiberildi. Otrıad bazasynan oqıǵa ornyna deıingi qashyqtyq – 124 shaqyrym»,-dep habarlady QR TJM baspasóz qyzmetinen.
Qutqarýshylar 10 qyrkúıek kúni saǵat 18:47-de shaqyrý ornyna jáne 15 mınýttan keıin zardap shekken adamǵa jetken. Olar áıeldi eki saǵat ishinde taý-ken qutqarý zembiliniń kómegimen jedel medıtsınalyq járdem kóligine deıin tar, tik jolmen alyp bardy.
TJM qutqarýshylary taýǵa bir kúnge bolsa da shyǵatyn týrısterge taýlardaǵy qaýipsiz júris-turys qaǵıdalaryn zertteýi kerek ekenin eskertti.