Almaty oblysynyń tabıǵı gazben qamtý deńgeıi 26,2 paıyzǵa jetti
TALDYQORǴAN. QazAqparat - Almaty oblysynyń 123 eldi mekeni gazdandyryldy. Óńirdi tabıǵı gazben qamtý deńgeıi 26,2 paıyzǵa jetti, dep habarlaıdy Qazaqparat tilshisi.
Jalpy Almaty oblysynda 718,5 myń adam kógildir otynmen qamtamasyz etildi. Ótken jyldyń 10-shy qazanynda uzyndyǵy 264,8 km «Almaty- Taldyqorǵan» magıstraldy gaz qubyry jáne «Taldyqorǵan» avtomatty gaz taratý stantsııasy iske qosylǵan bolatyn. Qazirgi tańda 1,2 myń shaqyrymdyq qalaishilik gaz jelisi tartylýda. Jobanyń jalpy quny - 21,4 mlrd. teńge. Jumystar aıaqtalǵanda 57 myń abonent nemese 170 myń adam gazǵa qol jetkizedi.
Sondaı-aq «Taldyqorǵan-Tekeli» magıstraldy gaz qubyrynyń 12 shaqyrymy salyndy. Bul magıstraldiń jalpy uzyndyǵy 31 shaqyrym. Al Jarkent qalasynda uzyndyǵy 329,7 km gaz taratý jelileriniń qurylysy bastalyp, «Qorǵas - Shyǵys qaqpasy» AEA deıin 22 km jeli salyndy.
«Az qamtylǵan otbasylarǵa gazǵa qosylý úshin jeńildikter qarastyrylýy kerek», dedi Amandyq Batalov.
Aıta ketý kerek, dál qazir Almaty oblysynyń ákimi Amandyq Batalov halyq aldynda esep berýde.
