Almaty oblysynyń sybaılas jemqorlyqpen kúres qyzmeti júzdegen balaǵa syılyq tabystady

TALDYQORǴAN. QazAqparat - Almaty oblysynyń sybaılas jemqorlyqqa qarsy qyzmeti júzdegen balaǵa syılyq tabystady, - dep habarlaıdy QazAqparat tilshisi.

Osylaısha ońaltý ortalyǵynyń kishkentaı emdelýshileri syılyqqa keneldi.

Almaty oblysy boıynsha jemqorlyqpen kúres qyzmetiniń ujymy «Kúnshýaq» oblystyq balalardy ońaltý ortalyǵynda bolyp, ondaǵy tárbıelenýshilermen kezdesti. Halyqaralyq balalardy qorǵaý kúni merekesimen quttyqtap, aqjarma tilegin jetkizdi.

Jyly sózderin jaýdyryp, izgi tilekterin bildirgen departament qyzmetkerleri balǵyndarǵa mereke barysynda alyp kelgen syılyqtaryn tabystady. Al 9 jasar Amına syılyqtan buryn meıirimdi jandardyń ystyq yqylasyn asyǵa kútkenin aıttyp, máz-meıram boldy.

Departament basshylyǵy elimizdiń erteńgi tiregi — búgingi búldirshinder ekenin aıta kele, jas urpaqqa sanaly tárbıe, sapaly bilim, jemqorlyqsyz jarqyn bolashaq syılaý ár azamattyń mindeti ekenin tilge tıek etti.

Aıta keteıik, ońaltý ortalyǵynda 5 ten 14 jas aralyǵyndaǵy, júıke júıesinde aqaýy bar júzdegen bala emdelýde.