Almaty oblysynyń sý kanalyna 2 bala batyp ketti
«3 mamyr kúni saǵat 19.05-te Almaty oblysy TJD kezekshi baılanys pýltine Almaty oblysy Qarasaı aýdany Jandosov aýylynyń shetinde ornalasqan sýarý kanalyna 6 jáne 8 jastaǵy eki bala batyp ketkeni týraly habarlama kelip tústi. Oqıǵa ornyna kelgennen keıin, eni 6 metr jáne tereńdigi 1,5 metr bolatyn sýarý kanalynan týystary 2014 jylǵy qyzdyń jáne 2015 jylǵy balanyń denelerin alyp shyqty»,- delingen Almaty oblystyq Tótenshe jaǵdaılar departamentiniń baspasóz qyzmeti taratqan habarlamada.
Vedomstvonyń aqparatyna sáıkes, balalar úılerinen 300 metr qashyqtyqta oınap júrgen. Olar eresekterdiń qaraýynsyz qalyp, sýarý kanalyna qulap, batyp ketken. «Ata-analardan kámeletke tolmaǵan balalardy qaraýsyz qaldyrmaýdy suraımyz. Arna, ózen men sý qoımalardyń janynda turatyn ata-analar bul jaıtqa muqııat nazar aýdarýlary kerek»,- dep tolyqtyrdy atalǵan vedomstvonyń baspasóz qyzmetinen.