Almaty oblysynyń stýdentterine 10 jataqhana salynady
TALDYQORǴAN. QazAqparat - Almaty oblysynda 2019-2020 jyldary memlekettik-jekemenshik seriktestigi negizinde 10 jataqhana salynatyn bolady. Jospar boıynsha nysannyń jalpy oryn sany 2650 adamǵa laıyqtalady, dep habarlaıdy QazAqparat tilshisi.
Onyń ishinde Іlııas Jansúgirov atyndaǵy Jetisý memlekettik ýnıversıteti men Súleımen Demırel atyndaǵy ýnıversıtetke jáne oblys óńirlerindegi 7 kolledjge jataqhana salý josparda bar.
«Al memlekettik granttardyń sanyn arttyrý týraly bastama jastar úshin úlken demeý bolýda. 2018-2019 oqý jylynda óńirde memlekettik grant ıegerleriniń sany 2 myńǵa artpaq. Aıta ketý kerek, Jetisý óńirinde oblys ákimi Amandyq Batalovtyń tapsyrmasymen «Almaty oblysynda Prezıdenttiń 5 áleýmettik bastamasyn júzege asyrý jónindegi «Jol kartasy» ázirlenip, Karta boıynsha jumystar atqarylýda. Bul qujatta Memleket basshysynyń tapsyrmalaryn tıimdi oryndaýdyń naqty josparlary belgilengen», - dep málim etti Almaty oblysy ákiminiń baspasóz qyzmeti.
Jol kartasynda kórsetilgendeı, birinshi bastama boıynsha «7-20-25» baǵdarlamasy. Josparlanǵan sharalardyń nátıjesinde 2022 jylǵa qaraı Almaty oblysynda turǵyn úı keshenderiniń qurylysy esebinen jalpy alańy 2,3 mln. sharshy metr bolatyn 18456 páterlik 953 úı salynady dep kútilýde. Qurylys barysynda qarjylandyrýdyń túrli kózderi, sonyń ishinde jeke ınvestıtsııa da tartylady.
