Almaty oblysynyń sport mektepterine jańa avtokólikter berildi
TALDYQORǴAN. QazAqparat - Búgin Almaty oblysynyń ákimi Amandyq Batalov jáne oblystyq dene shynyqtyrý jáne sport basqarmasynyń qoldaýymen Talǵar aýdanynyń úsh sport mektebine 5 sý jańa avtokólik berildi, - dep habarlaıdy QazAqparat tilshisi.
Sharaǵa aýdan ákimi Serikjan Erekeshev qatysyp, kólik kiltterin saltanatty túrde tabystady.
«Talǵar aýdanynyń «Almaly» balalar men jasóspirimder sport mektebi» kommýnaldyq memlekettik mekemesine 20 mln 500 myń teńgege Hyindai H350 shaǵyn avtobýsy (17 oryndyq) berildi.
«A.Kıvılev atyndaǵy velosporttan oblystyq olımpıada izbasarlaryn daıyndaýǵa arnalǵan arnaýly balalar men jasóspirimder sport mektebine» - 6 mln 250 myń tg. qarajatqa - Lada Vesta, 9 mln 840 myń teńgege 2 dana – Lada Largus (7 oryndyq) avtokólikteri alyndy.
«Qysqy sport túrlerinen oblystyq mamandandyrylǵan balalar men jasóspirimder sport mektebine» – 11 mln 500 myń tg. qarajatqa Gazel (16 oryndy) shaǵyn avtobýsy alyndy.
«Qazirgi tańda aýdandaǵy jalpy halyq sanynyń 30,0%-i, ıaǵnı 62040 adam sportpen shuǵyldanady. Onyń ishinde sportpen shuǵyldanýshy jasóspirimder sany 19 395. ıAǵnı aýdandaǵy jalpy halyq sanynyń 9,1%», - delingen Talǵar aýdany ákiminiń baspasóz qyzmetiniń málimdemesinde.
Talǵar aýdanynda jastardyń bos ýaqytyn tıimdi paıdalanýy úshin barlyǵy 242 sport nysany halyqqa qyzmet etedi. Onyń ishinde 3 stadıon, 2 sporttyq saýyqtyrý kesheni, 9 júzý basseıni, 63 sportzal, 56 sport alańdary, 57 fýtbol alańy, 12 sońǵy úlgide jasalynǵan shaǵyn-fýtbol alańdary, 6 tennıs korty, 4 taý shańǵy trassalary, 1 jabyq hokkeı alańy, 5 sport mektebi jáne t.b. 24 sporttyq obekti bar.
