Almaty oblysynyń soty karantınge jabyldy
TALDYQORǴAN. QazAqparat - Almaty oblysynyń soty karantınge jabyldy. Ǵımaratqa bógde adamǵa kirýge bolmaıdy, isterdi qaraý keıinge shegerilgen, dep habarlaıdy QazAqparat tilshisi.
«COVID-19 koronovırýs ınfektsııasynyń taralýy boıynsha jaǵdaıdyń ózgerýine baılanysty maýsym aıynyń 8-i men 19-y aralyǵynda Almaty oblystyq sotynyń ǵımaratynda karantındik sharalar engiziledi»,- delingen atalǵan vedomstvonyń baspasóz qyzmeti taratqan habarlamada.
Endi sot ǵımaratyna belsendi dezınfektsııalyq óńdeý jumystary júrgizilip, bógde adamdardyń kirýine ruqsat etilmeıdi.
Oblystyq sottyń barlyq qyzmetkerleri jeti kún úı karantınine oqshaýlanady; oblystyq sottyń jumysy qashyqtan onlaın rejımge aýystyrylyp, keńsedegi jumys ýaqytsha toqtatylady; sot isterin qaraý meılinshe keıingi ýaqytqa shegeriledi.
Sot otyrystarynyń taǵaıyndalǵan kúni men ýaqyty týraly isterge qatysy bar taraptarǵa qosymsha aqparat joldanady; qysqa merzimde qaralýy tıis is materıaldary, ıaǵnı Qylmystyq-protsessýaldyq kodeksiniń 107-baby negizinde qaralatyn materıaldardy sýdıa Taldyqorǵan qalalyq sotynyń ǵımaratynda qashyqtan jumys rejıminde qaraıtyn bolady.
Aıta keterligi oblystyq sottaǵy shekteý sharalarynyń merzimi men rejımi koronovırýs ınfektsııasyna qatysty jaǵdaıdyń ózgerýine sáıkes ózgertilýi múmkin.
