Almaty oblysynyń ShQO-men shektesetin tusyna sanıtarlyq beket qoıyldy
TALDYQORǴAN. QazAqparat - Almaty oblysynyń ShQO-men shektesetin tusyna sanıtarlyq beket qoıyldy, dep habarlaıdy QazAqparat tilshisi.
Almaty oblysynyń Shyǵys Qazaqstan oblysymen shektesetin tusyna sanıtarlyq beket qoıyldy. Tártip saqshylary men sanıtarlar oblysqa kirgen, shyqqan azamattardyń dene qyzýyn ólshep, jeke málimetin jazyp alady. Sondaı-aq 6 qarashadan bastap óńirde sanıtarııa talaptary kúsheıtildi.
Oblystyq bas sanıtarııa dárigeriniń jańa qaýlysyna sáıkes 2000 sharshy metrden asatyn saýda-oıyn-saýyq ortalyqtarynyń jumysy toqtady. Qoǵamdyq tamaqtaný oryny, meıramhana men dámhanalar da jabyldy. 65 jastan asqandarǵa kóshege shyǵýǵa tyıym salynyp, qoǵamdyq oryndarda betperde taǵyp júrý mindetteldi.
Eske sala ketsek, qazirgi ýaqytta elimizde koronavırýs ınfektsııasymen aýyrǵandardyń 50%-y Shyǵys Qazaqstan oblysynda anyqtalǵan. Aýrýdy juqtyrǵandar sany boıynsha oblys qyzyl aımaqta ornalasqan. Ótken aptamen salystyrǵanda, óńirde syrqattanýshylyq 5,4 esege ósti, kún saıyn 350-den asa aýrý tirkelip otyr, jaǵdaıy aýyr naýqastardyń sany artty.
